საქართველოს
სახელმწიფო
გერბი
საიტი დამზადების
პროცესშია

მესტიის
მუნიციპალიტეტის
გამგეობა
საიტი დამზადების
პროცესშია
  2017-06-15

მესტიის წმინდა ილარიონ ქართველის მართლმადიდებლური სკოლა-გიმნაზია შვიდი წლის წინ დაარსდა მისი მაღალყოვლადუსამღვდელოესობის, მესტიისა და ზემო სვანეთის მიტროპოლიტის ილარიონის (ქიტიაშვილი) მიერ. სკოლის ადმინისტრაცია და პედაგოგები ცდილობენ ღირსეულად გაართვან თავი იმ საპასუხისმგებლო საქმეს, რომელსაც მომავალი თაობების აღზრდა ჰქვია.

სკოლის აღსაზრდელებმა უკვე მრავალ წარმატებას მიაღწიეს, ახლა კი გვინდა ერთი მნიშვნელოვანი ფაქტი ავღნიშნოთ. გიმნაზია 2016 წელს ჩაერთო პროექტში „ჩვენ ვსწავლობთ ბიბლიას“, რომელიც საქართველოს საპატრიარქოსა და საქართველოს განაათლების და მეცნიერების სამინისტროს პატრონაჟით ხორციელდება. აღნიშნულ პროექტში საქართველოს სხვადასხვა კუთხეებიდან 122 სკოლა იღებდა მონაწილეობას. ჩვენმა სკოლამ ფინალამდე ოთხი ეტაპი წარმატებით გაიარა, ფინალურ ეტაპზე კი მესტიის სკოლა გიმნაზიის აღსაზრდელებმა უპრეცენდენტო შედეგს მიაღწიეს და სამი ტურისგან შემდგარი ღონისძიება მეორე ტურშივე დაასრულეს, რადგან მოპოვებული ქულების მიხედვით ცხადი გახდა, რომ ფინალში გასულ სხვა გუნდებს, ჩამორჩენის აღმოსაფხვრელად თეორიული შანსიც აღარ რჩებოდათ. გიმნაზიის აღსაზრდელებმა აღნიშნულ პროექტში დამაჯერებელ გამარჯვებას მიაღწიეს. 
 პროექტში გამარჯვებულმა მესტიის წმ. ილარიონ ქართველის სახელობის მართლმადიდებლური სკოლა-გიმნაზიის გუნდმა „ოსანამ“, პრიზის სახით წმინდა მიწაზე ერთკვირიანი საგზური მოიპოვა.
ჟიურის თავმჯდომარე გახლდათ ცაგერისა და ლენტეხის მიტროპოლიტი სტეფანე. ღონისძიებას ესწრებოდა მესტიისა და ზემო-სვანეთის მიტროპოლიტი ილარიონი.
პროექტი „ჩვენ ვსწავლობთ ბიბლიას“ უკვე ცხრა წელია წარმატებით ხორციელდება, მისი მიზანია გაცნობა წმინდა წერილისა და იმ ჯანსაღი მაგალითებით ცხოვრება, რომელიც მრავლადაა წმინდა წერილში. 
ვულოცავთ მესტიის წმ. ილარიონ ქართველის სახელობის სკოლა გიმნაზიის გუნდის პედაგოგს ქალბატონ მაგდალინა გოგოლაძეს, რომელმაც დიდი ღვაწლი გაწია აღნიშნული წარმატების მისაღწევად. მიღწეულ წარმატებას ვულოცავთ „ოსანას“ წევრებს: ოთარ ჯაფარიძეს (VII კლასი), ანა ჯაფარიძეს (VII კლასი), მარიამ ხვიბლიანს (VII კლასი), პაატა ავალიანს (VIII კლასი), ლაშა ფილფანს (VIII კლასი), ქრისტინე რატიანს (VIII კლასი), მარიამ გულედანს (VIII კლასი). ვულოცავთ გულშემატკივრებს, რომელთა შორის სამართლიანად უნდა გამოვყოთ X კლასის მოსწავლე თეა რატიანი.
წმინდა ილარიონ ქართველის მართლმადიდებლური სკოლა გიმნაზია, მუდმივი თანადგომისთვის განსაკუთრებულ მადლიერებას გამოხატავს მესტიის მუნიციპალიტეტის გამგებლის კაპიტონ ჟორჟოლიანის მიმართ.
აღსანიშნავია, რომ 9 ივნისს, მესტიის წმ. ილარიონ ქართველის სახელობის სკოლა გიმნაზიასა და ჭიათურის წმინდა ანდრია პირველწოდებულის სასულიერო სკოლას შორის გაფორმდა ურთიერთთანამშრომლობის მემორანდუმი. პრეოქტის მიზანია საქართველოს ორ კუთხეს და სკოლებს შორის კულტურული და შემეცნებითი თანამშრომლობა. 
ღონისძიებას ესწრებოდნენ საჩხერისა და ჭიათურის მიტროპოლიტი დანიელი, მესტიისა და ზემო სვანეთის მიტროპოლიტი ილარიონი, საქართველოს კათალიკოს პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე, საქართველოს საპატრიარქოს განათლების სამსახურის ხელმძღვანელი, რუსთავის მიტროპოლიტი იოანე, იმერეთის გუბერნატორის მოადგილე პაატა ნადირაძე, ჭიუათურის გამგებელი ზურაბ ჯუპატაძე და ჭიათურის მაჟორიტარი დეპუტატი მალხაზ წერეთელი..

  2017-10-14

მესტიის მუნიციპალიტეტის ხაიშის, ფარის, ნაკრის, ლენჯერისა და მულახის ტერიტორიულ ერთეულებში სპორტული დარბაზების მშენებლობის პირველი ეტაპის სამუშაოები უკვე მიმდინარეობს.
სამუშაოებს ახორციელებს გამარტივებულ ელექტრონულ ტენდერში გამარჯვებული კომპანია შპს ,,კოშკი“ (ტენდერი შეგიძლიათ იხილოთ სახელმწიფო შესყიდვების ერთიანი ელექტრონული სისტემის ოფიციალურ ვებ-გვერდზე: www.procurement.gov.ge ტენდერის ნომერი - NAT160003563)
მშენებლობისთვის მოსამზადებელი ეტაპის სამუშაოების შესრულების სახელშეკრულებო ღირებულება განსაზღვრულია 219 501 (ორასცხრამეტი ათას ხუთას ერთი) ლარით. 
ამ ეტაპისთვის ხაიშსა და ფარში მონოლითური რკინა-ბეტონის კარკასის მოწყობის სამუშაოები მიმდინარეობს, ხოლო ლენჯერში, ნაკრასა და მულახში დასრულებულია გრუნტის დამუშავება წერტილოვანი საძირკვლების მოსაწყობად.
მშენებლობის პირველი ეტაპის სამუშაოები უნდა დასრულდეს მიმდინარე წლის 30 ნოემბრამდე. 
პროექტი ხორციელდება საქართველოს მთავრობის 2016 წლის სოფლის მხარდაჭერის პროგრამის ფარგლებში გამოყოფილი თანხით.
შეგახსენებთ, რომ მესტიის მუნიციპალიტეტის ხაიშის, ფარის, ნაკრის, ლენჯერის და მულახის ტერიტორიულ ერთეულებში ახალი სპორტული დარბაზები აშენდება. სპორტული დარბაზების მშენებლობის დასრულებისთვის დამატებითი თანხის გამოყოფა მოხდება საქართველოს რეგიონებში განსახორციელებელი პროექტების ფონდიდან.

  2017-06-09

9 ივნისს, მესტიის მუნიციპალიტეტის გამგებლის პირველი მოადგილე, ქალბატონი, ნელი ნავერიანი და გამგეობის სოციალური სამსახურის თანამშრომლები ფონდ „აფხაზინტერკონტის“ წარმომადგენლებს შეხვდნენ.
ფონდის წარმომადგენლებმა, გიორგი ცხვედიანმა და მიხეილ ელბაქიძემ დეტალური ინფორმაცია მიაწოდეს დამსწრე საზოგადოებას ახალი პროექტის, „რეგიონში დაბრუნებული მიგრანტებისთვის-ეფექტიანი მხარდაჭერის გარემოს შექმნა“ შესახებ. ქალბატონმა, ნელი ნავერიანმა „აფხაზინტერკონტის“ წარმომადგენლებს, მესტიის მუნიციპალიტეტში აღნიშნული პროექტის განხორციელებისთვის სრული მხარდაჭერა გამოუცხადა.
აღნიშნული პროექტის განხორციელება სამეგრელო-ზემო სვანეთის რეგიონში 2017 წლის მაისიდან დაიწყო. პროექტი „საქართველოს ოკუპირებული ტერიტორიებიდან იძულებით გადაადგილებულ პირთა, განსახლების და ლტოლვილთა სამინისტროს“ ფინანსური მხარდაჭერით და „ საქართველოში დაბრუნებულ მიგრანტთა სარეგისტრაციო დახმარების“ სახელმწიფო პროგრამის ფარგლებში ხორციელდება.
პროექტის მიზანს წარმოადგენს სამშობლოში დაბრუნებული მოქალაქეების ისეთი სერვისებით უზრუნველყოფა, რაც მათ გრძელვადიან და მდგრად რეინტეგრაციას, ჯანმრთელობის პრობლემის გადაჭრას, შემოსავლების გაჩენას და რეინტეგრაციის მდგრადი საფუძვლის შექმნას შეუწყობს ხელს.
პროექტი ითვალისწინებს:
1) სამედიცინო მომსახურებითა და მედიკამენტებით უზრუნველყოფას, ფსიქო საოციალურ რეაბილიტაციას.
2) სოციალური პროექტების დაფინანსებას, შემოსავლის წყაროების გაჩენისა და თვითდასაქმების ხელშეწყობის მიზნით.
3) სსიპ სოციალური მომსახურეობის სააგენტოს სამუშაოს მაძიებელთა პროფესიულ მომზადება-გადამზადებისა და კვალიფიკაციის პროგრამაში ჩართვის ხელშეწყობას.
პროექტის სამიზნე მუნიციპალიტეტები არის: მესტია, აბაშა, სენაკი, ხობი, ფოთი, ზუგდიდი, წალენჯიხა, ჩხოროწყუ და მარტვილი, სადაც ცხოვრობენ მიგრანტები და რომლების საზღვარგარეთ იმყოფებოდნენ ერთ წელზე მეტი ვადით არალეგალურად, ან საზღვარგარეთ ჰქონდათ განაცხადი თავშესაფრის მირებასთან დაკავშირებით, ან სარგებლობდნენ თავშესაფირთ და მათი სამშობლოში დაბრუნებიდან არ არის გასული ერთი წელი.
დეტალური ინფორმაციის მისაღებად შეგიძლიათ დარეკოთ შემდეგ ნომრებზე:
მობ: +995 593 30 79 69
მობ: +995 598 71 07 77
ტელ: (431) 26 48 61
ან ეწვიეთ ვებ. საიტს: www.aic.org.ge

1
...