საქართველოს
სახელმწიფო
გერბი
საიტი დამზადების
პროცესშია

მესტიის
მუნიციპალიტეტის
გამგეობა
საიტი დამზადების
პროცესშია
  2017-09-15

15 სექტემბერს, მსოფლიოს მრავალ ქვეყანაში დაიწყო დასუფთავების ყოველწლიური საერთაშორისო კამპანია – ,,დავასუფთაოთ მსოფლიო“ (Clean Up the World), რომელიც 1992 წელს დაფუძნდა გაეროს გარემოსდაცვითი პროგრამის (UNEP) ინიციატივით და ადგილობრივი გარემოს გაუმჯობესების მიზნით აერთიანებს მთელი რიგი ქვეყნების ხელისუფლების, ბიზნეს-სექტორისა და საზოგადოებრივი ორგანიზაციების წარმომადგენლებს ფართომასშტაბიანი დასუფთავების აქციების განხორციელებლად. ამ ეტაპისთვის მსოფლიოს 140-ზე მეტი ქვეყანაა ჩართული კამპანიაში, მათ შორის საქართველოც. 
კამპანიას დევიზით „ჩვენი ქვეყანა, ჩვენი პლანეტა... ჩვენი პასუხისმგებლობაა...“ შეუერთდნენ და მონაწილეობა მიიღეს მესტიის მუნიციპალიტეტის გამგებელმა კაპიტონ ჟორჟოლიანმა და გამგეობის და დასუფთავების სამსახურების თანამშრომლებმა. კამპანიის ფარლებში დასუფთავდა რევაზ მარგიანის ქუჩა და "ჰაწვალი"-ის მიმდებარე ტერიტორია.

  2017-09-15

15 სექტემბერს კორნელი კეკელიძის სახელობის საქართველოს ეროვნული ცენტრის, საქართველოს განათლებისა და მეცნიერების სამინისტროს, საქართველოს საგარეო საქმეთა საინისტროსა და საქართველოს ეროვნული მუზეუმის სვანეთის ისტორიისა და ეთნოგრაფიის მუზეუმის ორგანიზებით გაიხსნა ფოტოგამოფენა სახელწოდებით "საქართველოს ევროპული ისტორიის დღეები".

შეგახსენებთ, რომ კ. კეკელიძის სახელობის ეროვნული ცენტრი არის უდიდესი ხელნაწერი მემკვიდრეობის საცავი საქართველოში.

აღნიშნული ღონისძიების მიზანია საზოგადოებამ კიდევ ერთხელ დაინახოს რომ საუკუნეების მანძილზე საქართველოსა და ევროპას მჭიდრო კავშირი ჰქონდა ერთმანეთთან. ამის უტყუარი და საუკეთესო დასტური კი სწორედ ხელნაწერი მემკვიდრეობაა, რომელიც ხელნაწერთა ეროვნულ ცენტრში იყრის თავს.

წერილები, ჩანაწერები, ფოტოები, ხელნაწერები ეს არის ქართველი ხალხის ევროპასთან ურთიერთობის ამსახველი წერილობითი ძეგლები, სწორედ ამ მასალის ფოტომასალები არის წარმოდგენილი გამოფენაზე.

გამოფენის მიმდინარეობისას ჩატარდა საგანმანათლებლო პროგრამა ბავშვებისთვის ვეფხისტყაოსნის მოტივებზე. საგანმანათლებლო პროექტში მონაწილეობა მიიღეს მესტიის მუნიციპალიტეტის საჯარო სკოლის მოსწავლეებმა.

საქართველოს ეროვნული მუზეუმის სვანეთის ისტორიისა და ეთნოგრაფიის მუზეუმში გამოფენა 29 სექტემბრამდე გაგრძელდება.

  2017-09-12

12 სექტემბერს, 16 საათზე, მესტიის ისტორიულ-ეთნოგრაფიული მუზეუმის სააქტო დარბაზში ჩატარდა, ქართველი პოეტისა და საზოგადო მოღვაწის ერეკლე საღლიანის შემოქმედებითი საღამო. ავტორზე და მის შემოქმედებაზე ბევრი ისაუბრეს მისმა მეგობრებმა და მოწვეულმა სტუმრებმა.
საღამო მიჰყავდა მსახიობსა და პოეტს, უნიჭიერეს დეკლამატორს, ელდინო საღარაძეს, შემოქმედებითი საღამოს მსვლელობისას სიტყვით გამოვიდნენ, ერეკლეს ლექსები წაიკითხეს და ისაუბრეს მის შემოქმედებასა და პიროვნებაზე მესტიის მუნიციპალიტეტის გამგებლის პირველმა მოადგილემ ნელი ნავერიანმა, მთამსვლელმა, ჟურნალისტმა და რადიოწამყვანმა ივანე ჯაფარიძემ; მწერალმა, მთარგმნელმა, აფხაზეთის მწერალთა კავშირის, ახალგაზრდული ფრთის, თავმჯდომარის მოადგილემ ნიკა ბაძაღუამ; პოეტმა, საქართველოს მწერალთა კავშირის წევრმა მაკა ბლიაძემ; რეჟისორმა, მწერალმა, ლიტერატურათმცოდნე ალეკო მესხორაძემ; საქართველო-უკრაინის კულტურულ ურთიერთობის უნივერსიტეტის რექტორმა, აკრედიტებულმა პროფესორმა ავთო გეწაძემ; საქართველოს, ეროვნული მუზეუმის კონსულტანტმა ციალა ჩართოლანმა; სოფ.ეცერის(ბარშის) საბავშვო ბაღის გამგემ რიდა საღლიანმა; მესტიის პირველი საჯარო სკოლის, უცხო-ენის პედაგოგმა ციური გაბლიანმა; მესტიის მკვიდრმა დავით გვარლიანმა; ცნობილმა მთამსვლელმა ნაზო ხერგიანმა; ადგილობრივმა მკვიდრმა ნოფე გვარლიანმა; უნიჭიერესმა ჟურნალისტმა, პოეტმა და პუბლიცისტმა ეთერ მჭედლიანმა; პოეტმა გოგუცა ხერგიანმა და სახალხო მთქმელმა ლელა რატიანმა. საღამომ წარუშლელი შთაბეჭდილება მოახდინა დამსწრე საზოგადოებაზე.

1
...