საქართველოს
სახელმწიფო
გერბი
საიტი დამზადების
პროცესშია

მესტიის
მუნიციპალიტეტის
გამგეობა
საიტი დამზადების
პროცესშია
  2016-03-28

მესტიის მუნიციპალიტეტში დაიწყო სასკოლო სპორტული ოლიმპიადის შესარჩევი მუნიციპალური ტურნირი. 
28 მარტს, ტურნირის ფარგლებში გაიმართა შეჯიბრი ფრენბურთში 2000 – 2002 წლებში დაბადებულ გოგონებსა და ვაჟებს შორის. ტურნირს უმასპინძლა მესტიის მიხეილ ხერგიანის სახელობის #2 საჯარო სკოლამ. შეჯიბრში მონაწილეობა მიიღეს მესტიის მუნიციპალიტეტის ჭუბერის, ყარ-სგურიშის, ნაკრას და მესტიის #2 საჯარო სკოლის გუნდებმა. 
ტურნირში გამარჯვება მოიპოვეს ნაკრას სკოლის გოგონათა გუნდმა, ხოლო ვაჟებს შორის გამარჯვებული გახდა ჭუბერის სკოლის გუნდი. გამარჯვებული გუნდები მონაწილეობას მიიღებენ რეგიონულ ტურნირში,რომელიც გაიმართება აპრილში, ქალაქ ზუგდიდში.
სპორტული ოლიმპიადის შესარჩევი მუნიციპალური ტურნირის ფარგლებში, მესტიის მუნიციპალიტეტში ჩატარდება შეჯიბრებები სპორტის შემდეგ სახეობებში: მინი - ფეხბურთში, გეზრბენში, მაგიდის ჩოგბურთში და ბადმინტონში.

 

 

  2016-03-19

19 მარტს, ჰაწვალის სათხილამურო კურორტზე გაიმართა საქართველოს დამსახურებული მწრთვნელისა და მრავალგზის ჩემპიონის, გივი ჯაფარიძის ხსოვნისადმი მიძღვნილი მესტიის რაიონის პირველობა სამთო სათხილამურო სპორტში. შეჯიბრში მონაწილეობას იღებდა ორმოცამდე სპორტსმენი, სვანეთისა და აჭარის ნაკრები გუნდებიდან. გივი ჯაფარიძის ხსოვნისადმი მიძღვნილი შეჯიბრი უკვე მეორე წელია ტარდება. წელს შეჯიბრება ჩატარდა მხოლოდ სლალომში.

საპრიზო ადგილები გოგონათა შორის:
საშუალო ასაკი, 2002 – 2003 წ.
პირველი ადგილი - ჯაფარიძე მარიამი;
უფროსი ასაკი, 1999 – 2001 წ.
პირველი ადგილი - ჩართოლანი ანა;
მეორე ადგილი - ჯაფარიძე მაგატა;

საპრიზო ადგილები ვაჟთა შორის:
პატარა ასაკი, 2007 – 2009 წ.
მეორე ადგილი - ჯაფარიძე რეზო;
მესამე ადგილი - ჯაფარიძე გიორგი;
უმცროსი ასაკი, 2004 – 2005 წ.
მეორე ადგილი - ჯაფარიძე ნიკა;
მესამე ადგილი - გულედანი გიორგი;
საშუალო ასაკი, 2002 – 2003 წ.
პირველი ადგილი - ჯაფარიძე ალეკო;
მეორე ადგილი - ჯაფარიძე ავთო;
მესამე ადგილი - არღვლიანი ირაკლი;
უფროსი ასაკი, 1999 – 2001 წ.
მეორე ადგილი - ჯაფარიძე გიორგი;
მესამე ადგილი - ჯაფარიძე რეზო;

გუნდები საპრიზო ფონდით (კერძოდ: თასი, მედლები, დიპლომები) უზრუნველყო მესტიის სპორტულმა ცენტრმა.

 

 

 

  2016-03-21

21 მარტი დაუნის სინდრომის საერთაშორისო დღეა! წლევანდელი წლის მთავარი გზავნილია „ჩემი მეგობარი-ჩემი გარემოცვა“. მესტიის მუნიციპალიტეტის ადგილობრივი თვითმმართველობა უერთდება დღევანდელ დღეს.
მესტიის მუნიციპალიტეტში N2 საბავშვო ბაგა-ბაღის პირველ სართულზე უკვე ერთი თვეა რაც ფუნქციონირებს, საკვირაო სკოლა შეზღუდული შესაძლებლობის მქონე ბავშვებისთვის. სკოლაში ძირითადად ინტელექტუალური შეზღუდვის მქონე ბავშვები სწავლობენ. დღევანდელი დღის აღსანიშნავად მესტიის მუნიციპალიტეტის გამგებელმა, კაპიტონ ჟორჟოლიანმა და გამგეობის განათლების, კულტურის, ძეგლთა დაცვის, სპორტისა და ახალგაზრდულ საქმეთა სამსახურის წარმომადგენლებმა შემეცნებით-გასართობი, ხმოვანი წიგნები და საბავშვო საკითხავი ზღაპრები გადასცეს საჩუქრად. გამგებლის ინიციატივით სკოლას ასევე გადაეცა სპეციალურად საბავშვო ბაღების სტანდარტების გათვალისწინებით დამზადებული საბავშვო ხის მაგიდა და სკამები.
საკვირაო სკოლის დამფუძნებელი არიან არასამთავრობო ორგანიზაცია „ერთად რეალური ცვლილებებისათვის“ და ადგილობრივი არასამთავრობო ორგანიზაცია „ლილეო“, მესტიის მუნიციპალიტეტის ადგილობრივი თვითმმართველობის თანადგომით. სკოლის შესაბამისი ინვენტარით აღჭურვა და პედაგოგების გადამზადება უზრუნველყო საქველმოქმედო ორგანიზაციამ „ამერიკელი მეგობრები“, ქალთა საერთაშორისო საქველმოქმედო ცენტრ "აივასთან" ერთად.,

 

 

 

1
...