საქართველოს
სახელმწიფო
გერბი
საიტი დამზადების
პროცესშია

მესტიის
მუნიციპალიტეტის
გამგეობა
საიტი დამზადების
პროცესშია
  2017-06-10

                                                                                               

10 ივნისს, მესტიის მუნიციპალიტეტში, ზაფხულის ტურისტული სეზონი, ბორის კახიანის სახელობის სათხილამურო ტურნირით გაიხსნა. შეჯიბრებას სამთო-სათხილამურო კურორტმა "თეთნულდმა უმასპინძლა.
ზაფხულის სეზონის გახსნასთან დაკავშირებით, მესტიის მუნიციპალიტეტს ეკონომიკისა და მდგრადი განვითარების მინისტრი გიორგი გახარია, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი, სოზარ სუბარი, ეკონომიკის სამინისტროს მთის კურორტების განვითარების კომპანიის ხელმძღვანელი, ალექსანდრე ონოფრიშვილი და ტურიზმის ეროვნული ადმინისტრაციის ხელმძღვანელი, გიორგი ჩოგოვაძე ეწვივნენ. მათ მესტიის მუნიციპალიტეტის გამგებელ, კაპიტონ ჟორჟოლიანთან და საქართველოს პარლამენტის წევრ, ვიქტორ ჯაფარიძესთან ერთად კურორტი "თეთნულდი" მოინახულეს და ბორის კახიანის ხსოვნისადმი მიძღვნილ ტურნირში გამარჯვებული სპორტსმენები დააჯილდოეს.
სათხილმურო ტურნირის დასრულების შემდეგ სეტის მოედანზე მოეწყო სვანეთის ძველი და ახალი სურათების გამოფენა, სხვადასხვა სახის თეატრალიზებული წარმოდგენები და პერფორმანსები, სადაც მონაწილეობას ქართული საბრძოლო ხელოვნების ფედერაცია “შავფაროსნების” წარმომადგენლები იღებდნენ. 
სეტის მოედანზე წარმოდგენილი იყო სვანური სამზარეულოს კუთხე და გამოყოფილი იყოს სივრცე ცხელი სასმელებისთვის, სადაც სტუმრებს უსასყიდლოდ გაუმასპინძლდნენ. დამსწრე საზოგადოებისთვის რამდენიმე სიმღერა შეასრულა მესტიის ფოლკლორულმა ანსამბლმა "რიჰომ". საზეიმო საღამოს დასკვნით ნაწილში მსმენელის წინაშე წარსდგა ცნობილი მუსიკალური ჯგუფი "ფრანი". ღონისძიებამ ადგილობრივების და ვიზიტორების განსაკუთრებული მოწონება დაიმსახურა.
ბორის კახიანის სახელობის სათხილამურო ტურნირი საქართველოს მთის კურორტებს განვითარების კომპანიის ორგანიზებით გაიმართა და იგი 11 ივნისამდე გაგრძელდება, ხოლო საზეიმო საღამო ტურიზმის ეროვნული ადმინისტრაციის ორგანიზებით ჩატარდა. ღონისძიებების მხარდამჭერი გახლდათ მესტიის მუნიციპალიტეტის გამგეობა.

                                                                                      

  2017-06-06

6 ივნისს, მესტიის მუნიციპალიტეტში, დ. მესტიაში „მესტიაჭალა 1“ და 
„მესტიაჭალა 2“ ჰიდროელექტროსადგურების კასკადის მშენებლობის გახსნის ოფიციალური ღონისძიება გაიმართა. მშენებლობის დაწყებისადმი მიძღვნილი ღონისძიება საქართველოს ვიცე-პრემიერმა და ენერგეტიკის მინისტრმა, ბატონმა კახა კალაძემ გახსნა. დამსწრე საზოგადოებას პროექტი „საქართველოს განახლებადი ენერგიის კომპანიის“ დირექტორმა არჩილ გაჩეჩილაძემ წარუდგინა.
„ჩვენი ქვეყნის ენერგოდამოუკიდებლობისკენ მიმართული ძალისხმევა ნელ-ნელა გვაახლოებს სასურველ მიზანს. თითოეული ასეთი ენერგოობიექტი არის ერთი ნაბიჯით წინ წაწევა ჩვენი სტრატეგიულად მნიშვნელოვანი და სასურველი მიზნისკენ. თითოეული ენერგოობიექტი ჩვენს დღევანდელობაში, ჩვენი პროგრესის გზაზე, არის მნიშვნელოვანი და საჭირო, მეტიც დროული დახმარება ეკონომიკის განვითარებისა და მოსახლეობის ადგილზე არა მარტო დასაქმება, არამდე დოვლათის შექმნაში ხელშეწყობა. დასვენების, სწავლის და ჯანმრთელობის უზრუნველყოფა შესაბამისი ინფრასტრუქტურის და პირობების შექმნით“-განაცხადა კახა კალაძემ.
ჰესების ექსპლუატაციაში შესვლა 2018 წლის დეკემბერშია დაგეგმილი, რის შემდეგაც ენერგოსისტემას 175 მლნ კვტ/სთ შეემატება. მშენებლობა განხორციელდება დარგში არსებული თანამედროვე ტექნიკური მიღწევების სრული გამოყენებით, კაშხლის მოწყობისა და მდინარის დაგუბების გარეშე.
ჰიდროელექტროსსადგურების მშენებლობა განხორციელდება სს „სვანეთი ჰიდროს“ მიერ მოძიებული მნიშვნელოვანი საინვესტიციო რესურსით, საერთაშორისო სტანდარტების მიხედვით, გარემოზე მინიმალური ზემოქმედების გათვალისწინებით. პროექტის მსვლელობისას შეიქმნება გარკვეული რაოდენობის სამუშაო ადგილები, სს „სვანეთი ჰიდრო“ რეკომენდაციას გაუწევს მშენებლობაში მონაწილე კონტრაქტორებს, რომ შეძლებისდაგავარად დასაქმდეს ადგილობრივი მოსახლეობა უშუალოდ მშენებლობის და მომსახურების სფეროში, ხოლო მშენებლობის დასრულების შემდეგ მოხდება ადგილობრივი კადრებიდან ჰესის მომსახურე პერსონალის შერჩევა, გადამზადება და დასაქმება.
მნიშვნელოვნად გაიზრდება მესტიის მუნიციპალიტეტის საბიუჯეტო შემოსავლები, რაც წინასწარი გათვლებით პროექტის გაშვებიდან პირველივე წელს შეადგენს დაახლოებით 1 500 000 ლარს.
აღსანიშნავია, რომ მესტიის მუნიციპალიტეტსა და სს „სვანეთი ჰიდროს“ შორის შორის გაფორმებული მემორანდუმის საფუძველზე, სს „სვანეთი ჰიდრო“ სოციალური პასუხისმგებლობის ფარგლებში განახორციელებს დაბა მესტიაში, ლეო ფილფანის სახელობის სახალხო და ფოლკლორის თეატრის სარეაბილიტაციო სამუშაოების თანადაფინანსებას, რისთვისაც გამოიყოფა დაახლოებით 600 000 ლარი.

  2017-05-26

                                                                                         

საქართველოს დამოუკიდებლობის დღემ მესტიის მუნიციპალიტეტში საზეიმო ვითარებაში ჩაიარა. 26 მაისის ღონისძიებებს ორგანიზება მესტიის მუნიცპალიტეტის გამგეობამ გაუწია. სეტის მოედანზე მოეწყო სვანეთის ცნობილი მხატვრების ნახატების, ხალხური რეწვის ოსტატების ნამუშევრების, ხელნაკეთი ნივთების, კალიგრაფიული ნამუშევრების გამოფენა–გაყიდვა. მსურველებს ნამუშევრების შეძენა ადგილზევე შეეძლოთ. სეტის მოედანზე მოწყობილ სცენაზე, საქართველოს დამოუკიდებლობის დღისადმი მიძღვნილი საზეიმო ღონისძიება გაიმართა. დამსწრე საზოგადოებას მიესალმა მესტიის მუნიციპალიტეტის გამგებლის პირველი მოადგილე ნელი ნავერიანი და საქართველოსთვის დამოუკიდებლობის დღის მნიშვნელობის შესახებ ისაუბრა. ღონისძიებაში მონაწილეობას იღებდნენ: მესტიის ფოლკლორული ანსამბლი „რიჰო“, საპატრიარქოსთან არსებული მესტიის ქრისტიანული კულტურის ცენტრი „ლაგუშედა“, სვანეთის მოსახლეობისთვის უკვე კარგად ნაცნობი და საყვარელი მუსიკალური ჯგუფი „ბანდეროლი“ და ადგილობრივი ფოლკლორული ანსამბლები (უშგული, ეცერი, ლენჯერი და ლატალი). ღონისძიებას შეუერთდნენ საქართელოს განათლების სამინისტროს ხარისხის მართვის ცენტრის წარმომადგენლები, რომლებმაც მაყურებლისთვის რამდენიმე სიმღერა შეასრულეს. ღონისძიების წამყვანი გახლდათ რამაზ ფილფანი. ღონიძიების ფარგლებში შესაძლებელი იყო სვანური კერძების დაგემოვნება (კუბდარი და ხაჭაპური), მისი შეძენა მსურველებს სიმბოლურ ფასად ერთ ლარად შეეძლოთ. კონცერტის პარალელურად ჭადრაკში და მკლავჭიდში შეჯიბრი მიმდინარეობდა, გამარჯვებულებს კი შესაბამისი სიგელები გადაეცათ.

                                                                      

2
...