საქართველოს
სახელმწიფო
გერბი

მესტიის
მუნიციპალიტეტის
მერია
  2017-11-25

25 ნოემბერს, სვანეთის ისტორიისა და ეთნოგრაფიის მუზეუმის სააქტო დარბაზში იელის საჯარო სკოლის დაწყებითი კლასის მასწავლებელი ქალბატონი ნინო ჭიჭინაძის ორგანიზებით გაიმართა სასკოლო ასაკის ბავშვთა კონფერენცია თემაზე "ჩვენ ვსწავლობთ სამყაროს", სადაც მონაწილეობას იღებდნენ მესტიის მუნიციპალიტეტის სკოლების მოსწავლეები. 
ქალბატონი ნინო "ასწალე საქართველოს" პროექტის ფარგლებში უკვე მეხუთე წელია იელის საჯარო სკოლაში ასწავლის ქართულ ენასა და ლიტერატურას. აგრეთვე, ეწევა აქტიურ საზოგადოებრივ საქმიანობას, კერძოდ ის გახლავთ საბავშვო კონკურსის "ინტელექტი"-ის ავტორი. ქალბატონ ნინოს ვუსურვებთ წარმატებას მისი საქმიანობის პროცესში, ხოლო ჩვენ ბავშვებს უამრავ მსგავს ღონისძიებას.

  0000-00-00

22 ნოემბერს, მესტიის მუნიციპალიტეტის მერიაში საინფორმაციო შეხვედრა გაიმართა.
შეხვედრას ნატოსა და ევროკავშირის შესახებ საინფორმაციო ცენტრის სამეგრელო-ზემო სვანეთის ბიუროს წარმომადგენელი ანა ცანავა და საქართველოს სავაჭრო-სამრეწველო პალატის DCFTA საინფორმაციო ცენტრის ექსპერტი გიორგი დიდიშვილი უძღვებოდნენ.
შეხვედრისას განიხილეს საქართველოს ევროპული და ევროატლანტიკური ინტეგრაციის პროცესის მიმდინარეობა, შენგეენის ზონის წევრ ქვეყნებთან უვიზო მიმოსვლა, ღრმა და ყოვლისმომცველი თავისუფალი სავაჭრო სივრცის შესახებ შეთანხმება, ასევე, ევროკავშირთან ასოცირების შეთანხმების განხორციელებისას მიღწეულ პროგრესი.
შეხვედრას მესტიის მუნიციპალიტეტის მერიისა და საკრებულოს თანამშრომლები, ასევე ადგილობრივი მეწარმეები და მესტიის მუნიციპალიტეტში სოფლის მეურნეობის სამინისტროს საინფორმაციო-საკონსულტაციო სამსახურის წარმომადგენლები ესწრებოდნენ.
ღონისძიება ნატოსა და ევროკავშირის შესახებ საინფორმაციო ცენტრის სამეგრელო-ზემო სვანეთის ბიუროს და საქართველოს სავაჭრო-სამრეწველო პალატის DCFTA საინფორმაციო ცენტრის ორგანიზებით, მესტიის მუნიციპალიტეტის მერიასთან თანამშრომლობით განხორციელდა.

  2017-11-10

დაბა მესტიაში ჩამოყალიბდა ქართული ქორეოგრაფიული ცეკვის სტუდია და სტუდიასთან არსებული ანსამბლი ,,ბანგურიანი,, რომელსაც სათავეში უდგას ენერგიული და პროფესიონალი ახალგაზრდა ხელმძღვანელი ბექა ჩართოლანი. ბექას ამ სფეროში საკმაოდ დიდი გამოცდილება აქვს. მან მარნეულის მუნიციპალიტეტში ჩამოაყალიბა ქორეოგრაფიული ანსამბლი ,,ბანგურიანი,, რომელსაც საკმაოდ წარმატებით ხელმძღვანელობდა წლების განმავლობაში. მიღებული აქვს მრავალი სიგელი თუ დიპლომი, როგორც საქარველოში, ასევე საქრთველოს ფარგლებს გარეთ გასვლით კონცერტებზე. 
იგი ამჟამად საქმიანობას შეუდგა მის მშობლიურ მხარეში სვანეთში და მესტიაში უკვე არსებული ანსამბლის ,,ბანგურიანი,, სახელით აგრძელებს მოღვაწეობას. მის მიერ ჩამოყალიბებულ ქორეოგრაფიულ სტუდიაში უკვე ირიცხება 50-მდე მოსწავლე, აქედან 35 ანსამბლის წევრია, დანარჩენები კი გადიან ცეკვის დაწყებითი სწავლების საფეხურებს.
საოცრად დიდია ენთუზიაზმი და შემართება, როგორც ანსამბლის ხელმძღვანელის, ასევე მოსწავლეების მხრიდან. 
ანსამბლს უკვე ჰქონდა პირველი ოფიციალური მიწვევა აზერბაიჯანიდან. 4 ნოემბერს ქალაქ ბაქოში ჩატარდა ქართულ - აზერბაიჯანული თანამეგობრობისადმი მიძღვნილი საღამო კონცერტი,, მეგობრობის მერიდიანი,, სადაც წარმატებით გამოვიდა ანსამბლი ,,ბანგურიანი,, ანსამბლის ყველა მონაწილე პირადად დაჯილდოვდა დიპლომით, რაც ძალიან დიდი სტიმულია ბავშვებისათვის. 
ამჟამად ანსამბლი ემზადებამორიგი გასვლითი კონცერტისთვის, რომელიც იგეგმება დეკემბრის თვეში ბაკურიანში. ბავშვები და მათი ხელმძღვანელი თავდაუზოგავად შრომობენ იმისათვის რომ წარმატებით წარსდგნენ მაყურებლის წინაშე და ღირსეულად წარმოაჩინონ ჩვენი კუთხის სახელი საქართველოში და მის ფარგლებს გარეთ.
წარმატებებს ვუსურვებთ ანსამბლ ,,ბანგურიანი,,- ს და მის ხელმძღვანელს ბექა ჩართოლანს.

2
...