საქართველოს
სახელმწიფო
გერბი

მესტიის
მუნიციპალიტეტის
მერია
  2017-11-10

დაბა მესტიაში ჩამოყალიბდა ქართული ქორეოგრაფიული ცეკვის სტუდია და სტუდიასთან არსებული ანსამბლი ,,ბანგურიანი,, რომელსაც სათავეში უდგას ენერგიული და პროფესიონალი ახალგაზრდა ხელმძღვანელი ბექა ჩართოლანი. ბექას ამ სფეროში საკმაოდ დიდი გამოცდილება აქვს. მან მარნეულის მუნიციპალიტეტში ჩამოაყალიბა ქორეოგრაფიული ანსამბლი ,,ბანგურიანი,, რომელსაც საკმაოდ წარმატებით ხელმძღვანელობდა წლების განმავლობაში. მიღებული აქვს მრავალი სიგელი თუ დიპლომი, როგორც საქარველოში, ასევე საქრთველოს ფარგლებს გარეთ გასვლით კონცერტებზე. 
იგი ამჟამად საქმიანობას შეუდგა მის მშობლიურ მხარეში სვანეთში და მესტიაში უკვე არსებული ანსამბლის ,,ბანგურიანი,, სახელით აგრძელებს მოღვაწეობას. მის მიერ ჩამოყალიბებულ ქორეოგრაფიულ სტუდიაში უკვე ირიცხება 50-მდე მოსწავლე, აქედან 35 ანსამბლის წევრია, დანარჩენები კი გადიან ცეკვის დაწყებითი სწავლების საფეხურებს.
საოცრად დიდია ენთუზიაზმი და შემართება, როგორც ანსამბლის ხელმძღვანელის, ასევე მოსწავლეების მხრიდან. 
ანსამბლს უკვე ჰქონდა პირველი ოფიციალური მიწვევა აზერბაიჯანიდან. 4 ნოემბერს ქალაქ ბაქოში ჩატარდა ქართულ - აზერბაიჯანული თანამეგობრობისადმი მიძღვნილი საღამო კონცერტი,, მეგობრობის მერიდიანი,, სადაც წარმატებით გამოვიდა ანსამბლი ,,ბანგურიანი,, ანსამბლის ყველა მონაწილე პირადად დაჯილდოვდა დიპლომით, რაც ძალიან დიდი სტიმულია ბავშვებისათვის. 
ამჟამად ანსამბლი ემზადებამორიგი გასვლითი კონცერტისთვის, რომელიც იგეგმება დეკემბრის თვეში ბაკურიანში. ბავშვები და მათი ხელმძღვანელი თავდაუზოგავად შრომობენ იმისათვის რომ წარმატებით წარსდგნენ მაყურებლის წინაშე და ღირსეულად წარმოაჩინონ ჩვენი კუთხის სახელი საქართველოში და მის ფარგლებს გარეთ.
წარმატებებს ვუსურვებთ ანსამბლ ,,ბანგურიანი,,- ს და მის ხელმძღვანელს ბექა ჩართოლანს.

  2017-10-09

9 ოქტომბერს მესტიის მუნიციპალიტეტის გამგეობის სააქტო დარბაზში ადგილობრივი სკოლის მოსწავლეებთან გაიმართა შეხვედრა პროექტის „ახალგაზრდები მუნიციპალური განვითარებისთვის“ ფარგლებში. შეხვედრა ჩაატარეს ააიპ „დამოუკიდებელ ბავშვთა და სტუდენტთა გაერთიანების“ ხელმძღვანელებმა ანზორ მეგრელიშვილმა და გიგა გლუნჩაძემ.
„ახალგაზრდები მუნიციპალური განვითარებისათვის“ წარმოადგენს სოციალურ პროექტს, რომლის ფარგლებშიც ზაფხულის და ზამთრის ახალგაზრდული ბანაკებისა და სკოლების მეშვეობით ხდება უდიდესი ტურისტული სტიმულების შეტანა საქართველოს სხვადასხვა რეგიონებში. პროექტის მიმდინარეობისას მაქსიმალური აქცენტი კეთდება ადგილობრივი მოსახლეობის დასაქმებაზე.
გაზაფხულის და შემოდგომის სეზონებზე საქართველოს 63–ივე მუნიციპალიტეტში ათასობით ახალგაზრდასთან (პროექტში მთელი ქვეყნის მასშტაბით 20 ათასამდე მოსწავლე და სტუდენტია ჩართული) ერთად პროექტის ხელმძღვანელები მსჯელობენ მუნიციპალური განვითარების გეგმებსა და ტენდენციებზე.
რაც შეეხება პრაქტიკულ მიმდინარეობას, ორგანიზაცია ირჩევს ისეთ წერტილებს (დასახლებას – სოფელს, რაიონს), რომელთაც ტურისტული კუთხით დიდი პერსპექტივა გააჩნია და იწყებს ამ წერტილების მუნიციპალურ–ტურისტული განვითარების ხელშეწყობას.
პროექტის შემდეგი ეტაპი მესტიის მუნიციპალიტეტიდან ჩატარდება 17 ნოემბერს, როდესაც შეირჩევა 20 ლიდერი ბავშვი და სწორედ ისინი განაგრძობენ აღნიშნულ პროექტში მონაწილეობას.

  2017-09-30

30 სექტემბერს, სვანეთის ისტორიისა და ეთნოგრაფიის მუზეუმის სააქტო დარბაზში ევროპასთან ასოცირების შეთანხმებისა და ღრმა და ყოვლისმომცველი თავისუფალი ვაჭრობის (DCFTA) განხორციელების ფორმატში, მთვარობასა და კერძო სექტორს შორის, სამუშაო შეხვედრა გაიმართა. აღნიშნული შეხვედრა ორგანიზებულ იქნა ევროკავშირის მიერ დაფინანსებული საქართველოსა და ევროკავშირს შორის ასოცირების შეთანხმების განხორციელების მხარდამჭერი პროექტის მიერ საქართველოს ეკონომიკისა და მდგრადი განვითარების სამინისტროს, საქართველოს სოფლის მეურნეობის სამინისტროს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის, სავაჭრო-სამრეწველო პალატისა და საქართველოში ევროკავშირის დელეგაციასთან მჭიდრო თანამშრომლობის ფორმატში. შეხვედრის მიზანი იყო ყველა დაინტერსებული მხარის აქტიური ჩართულობა და საკონსულტაციო რეჟიმი (DCFTA)-სთან დაკავშირებული საკითხების გარშემო, რომელიც შეეხება ევროპასთან სავაჭრო ურთიერთობების განვითარებას და მასთან მიმართებაში არსებულ რეგიონალურ გამოწვევებს.

შეხვედრაზე დასწრე საზოგადოებას პრეზენტაციები წარუდგინეს და მათ მიერ დასმულ კითხვებს უპასუხეს საქართველოს ეკონომიკისა და მდგრადი განვითარების მინისტრის მოადგილემ ბატონმა გენადი არველაძემ, ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის პირველმა მოადგილემ ბატონმა არჩილ ყარაულაშვილმა, საქართველოს სავაჭრო-სამრეწველო პალატის გენერალური დირექტორის მოადგილემ ქალბატონმა ნატო ჩიქოვანმა, სახელმწიფო პროგრამა ‘’აწარმოე საქართველოში’’ მენეჯერმა ქალბატონმა თეონა ბაბუნაშვილმა, ასოცირების შეთანხმების განხორციელების მხარდამჭერი პროექტის ექსპერტმა ბატონმა ნიკოლოზ ხუნძაკიშვილმა და ასოცირების შეთანხმების განხორციელების მხარდამჭერი პროექტის ხელმძღვანელის მოადგილემ ბატონმა ანდრე გონჩაჟმა.

შეხვედრამ საინტერესოდ, კითხვა-პასუხის რეჟიმში ჩაიარა.

3
...