საქართველოს
სახელმწიფო
გერბი
საიტი დამზადების
პროცესშია

მესტიის
მუნიციპალიტეტის
გამგეობა
საიტი დამზადების
პროცესშია
  2017-05-25

  25 მაისს, სვანეთის ისტორიისა და ეთნოგრაფიის მუზეუმის საკონფერენციო დარბაზში,კონსტიტუციის პროექტის საყოველთაო-სახალხო განხილვა გაიმართა. საქართველოს კონსტიტუციაში შესატანი ცვლილებები მესტიის მუნიციპალიტეტის მოსახლეობას პარლამენტის წევრებმა გიორგი ვოლსკიმ, ცოტნე ზურაბიანმა, დავით მათიკაშვილმა და კონსტიტუციონალისტმა ვასილ გონაშვილმა გააცნეს. 

დეპუტატებმა ცვლილებების მომზადების აუცილებლობის შესახებ ისაუბრეს და სახელმწიფო საკონსტიტუციო კომისიის მიერ მომზადებული პროექტის არსებით სიახლეებზე გაამახვილეს ყურადღება.

შეხვედრამ კითხვა-პასუხის რეჟიმში საინტერესოდ ჩაიარა. დეპუტატებმა უპასუხეს ადგილობრივი მოსახლეობის მხრიდან დასმულ კითხვებს ისეთ თემებზე, როგორიცაა შერეული სისტემის პროპორციულით ჩანაცვლება, მიწის გასხვისების წესი, პრეზიდენტის არჩევის წესი, ტერიტორიული მოწყობის საკითხები.

პროექტის საყოველთაო-სახალხო განხილვები 5 მაისს დაიწყო. კონსტიტუციის ცვლილებების კანონპროექტის განხილვის ეს ეტაპი საზოგადოებაში გამოთქმული მოსაზრებების გაზიარებასა და პროექტში ასახვასაც გულისხმობს.

  2017-05-23

 

 

 

 23 მაისს, დაბა მესტიის №2 საჯარო სკოლის სააქტო დარბაზში, კავკასიის ხელოვნებისა და ფოლკლორის ასოციაციის ორგანიზებით და მესტიის მუნიციპალიტეტის გამგეობის მხარდაჭერით გაიმართა ცეკვისა და სიმღერის ფესტივალი „მომავლის მზე“.

ღონისძიებაში მონაწილეობას იღებდნენ ქალაქ თბილისის, ერისიონთან არსებული ბავშვთა ქორეოგრაფიული ანსამბლი „მომავალი“, ქორეოგრაფი ზაალ ჭუმბურუძე, ოზურგეთის რაიონის ფოლკლორული ანსამბლი „ოცნება“, ხელძღვანელი ნინო ჩხეიძე და დაბა მესტიის ქრისტიანული კულტურისა და განათლების ცენტრთან არსებული ქორეოგრაფიული ანსამბლი „ლაგუშედა“, ხელმძღვანელი მეგი ხოჯელანი.. ღონისძიებამ დიდი ინტერესი გამოიწვია და წარმატებით ჩაიარა. ანსამბლებმა ქართული–ხალხური სიმღერები და ცეკვები წარმოადგინეს. კონცერტის დასრულების შემდეგ მონაწილეებს საგანგებო სიგელები გადაეცათ. ღონისძიების წამყვანი გახლდათ პოპულარული ქართველი მომღერალი პაატა თედიაშვილი.

ფესტივალის „მომავლის მზის“ დამფუძვნებელი გახლავთ ქალბატონი მაკა ჭკუასელი და იგი უკვე მეორე წელია წარმატებით ხორციელდება მესტიის მუნიციპალიტეტში.

  2017-05-09

ქუთაისის განათლების განვითარების და დასაქმების ცენტრის წარმომადგენლებმა 8 მაისს, მესტიის მუნიციპალიტეტის ადგილობრივი თვითმმართველობის ადმინისტრაციული შენობის სააქტო დარბაზში, სოციალური მეწარმეობის კონკურსის შესახებ პრეზენტაცია გამართეს.
შეხვედრაზე დაინტერესებულ პირებს გააცნეს ინფორმაცია კონკურსის იდეის და მონაწილეობის პრინციპების შესახებ. საგრანტო კონკურსის მიზანია, საქართველოში სხვადასხვა სოციალური მისიის მქონე წარმატებული სოციალური საწარმოების დაფუძნება და ამ გზით სოციალური მეწარმეობის განვითარების ხელშეწყობა. ინოვაციური ბიზნეს იდეის ავტორებს საშუალება ეძლევათ, მონაწილეობა მიიღონ ორ ეტაპიან საგრანტო კონკურსში.
პირველ ეტაპზე კონკურსში მონაწილეობის უფლება აქვთ საზოგადოებრივ ორგანიზაციებს და საინიციატივო ჯგუფებს. კონკურსში მონაწილეობის მისაღებად სოციალური საწარმოს იდეის ინიციატორი უნდა იყოს საზოგადოებრივი ორგანიზაციის ან საინიციატივო ჯგუფის ორი წევრისგან შემდგარი გუნდი. კონკურსანტებმა სააპლიკაციო ფორმაში უნდა დაასაბუთონ იდეის ინოვაციურობა და შესაბამისობა კონკურსის პირობებთან. კონკურსის შედეგად შეირჩევა 16 საუკეთესო იდეის ავტორი ჯგუფი.
მეორე ეტაპზე „იდეების კონკურსის“ შედეგად შერჩეული კონკურსანტები გაივლიან მათთვის შერჩეულ, ინტენსიური ტრენინგების კურსს, რის შემდეგაც კონკურსანტები წარადგენენ სრულ ბიზნეს გეგმებს. საგრანტო კომისიის გადაწყვეტილებით, დასაფინანსებლად შეირჩევა 4 ან 5 საუკეთესო ბიზნეს გეგმა.
სოციალურის საწარმოს დასაფუძნებლად მოთხოვნილი საგრანტო დაფინანსება მერყეობს 2000 ევროდან 8000 ევრომდე, დაფინანსებისას აუცილებელია ათ პროცენტიანი თანადაფინანსების უზრუნველყოფა. 
პროექტს „საქართველოს სტრატეგიული კვლევებისა და განვითარების ცენტრი“, „ქუთაისის განათლების განვითარების და დასაქმების ცენტრი“ და „არბაითერ სამარიტერ ბუნდი საქართველო“ ახორციელებს, მიკროსაფინანსო ორგანიზაცია „კრისტალთან“ პარტნიორობით.
განცხადებების მიღების ბოლო ვადაა 2017 წლის 24 მაისი. საპროექტო განაცხადების წარდგენა შესაძლებელია ელექტრონულად, ელ. ფოსტის საშუალებით მისამართზე: social.enterprise.ge@gmail.com.
დამატებითი ინფორმაციის მისაღებად ჩამოტვირთეთ თანდართული ფაილები http://segeorgia.org/…/269_%20%E1%83%99%E1%83%9D%E1%83%9C%E…

4
...