საქართველოს
სახელმწიფო
გერბი

მესტიის
მუნიციპალიტეტის
მერია
  2017-09-28

28 სექტემბერს, მესტიის მუნიციპალიტეტის გამგეობის სააქტო დარბაზში დევნილთა საარსებო წყაროებით უზრუნველყოფის სააგენტოს ორგანიზებით, გაიმართა საარსებო წყაროების ფორუმი , სადაც მონაწილე სამთავრობო და არასამთავრობო ორგანიზაციებმა დევნილებს თავიანთი პროგრამები და პროექტები გააცნეს.
შეხვედრას ესწრებოდნენ და მოსახლეობის კითხვებს პასუხობდნენ მესტიის მუნიციპალიტეტის გამგებელი კაპიტონ ჟორჟოლიანი, საქართველოს ოკუპირებული ტერიტორიებიდან იძულებით გადაადგილებულ პირთა, განსახლების და ლტოლვილთა მინისტრი სოზარ სუბარი და საქართველოს ოკუპირებული ტერიტორიებიდან იძულებით გადაადგილებულ პირთა, განსახლების და ლტოლვილთა სამინისტროს ადმინისტრაციული დეპარტამენტის უფროსი ირაკლი უჯმაჯურიძე.
საარსებო წყაროების ფორუმზე დევნილებს საშუალება ჰქონდათ, ერთ სივრცეში მიეღოთ სასურველი ინფორმაცია და ჩართულიყვნენ ქვეყანაში მოქმედ საარსებო წყაროების პროგრამებში/პროექტებში. 
სააგენტოში მიმდინარე ორი საგრანტო პროგრამის ("ეკონომიკური შესაძლებლობების თანაბარი ხელმისაწვდომობა დევნილებისთვის" და „დევნილთა თვითდასაქმების ხელშეწყობის პროგრამა“) ფარგლებში დევნილებმა ადგილზე შეავსეს და ჩააბარეს საგრანტო განაცხადები. 
ფორუმში, დევნილთა საარსებო წყაროებით უზრუნველყოფის სააგენტოსთან ერთად მონაწილეობას იღებდნენ იძულებით გადაადგილებულ პირთათვის - დევნილთათვის საარსებო წყაროებზე ხელმისაწვდომობის უზრუნველყოფის სტრატეგიის განხორციელების 2016-2017 წლების სამოქმედო გეგმის განხორციელებაში ჩართული სხვა სახელმწიფო სტრუქტურებიც. ასევე, ფორუმში მონაწილეობდნენ იმ სამთავრობო და არასამთავრობო ორგანიზაციების წარმომადგენლები, რომლებიც სამეგრელო-ზემო სვანეთში, საარსებო წყაროების პროექტებს/პროგრამებს ახორციელებენ.
ფორუმში, ასევე, მონაწილეობას მიიღო იუსტიციის სახლის წარმომადგენელმა, რომელმაც დევნილთა საარსებო წყაროებით უზრუნველყოფის სააგენტოში მიმდინარე საგრანტო პროგრამის ფარგლებში განაცხადები ჩაიბარა.
საარსებო წყაროების ფორუმი, დევნილთა საარსებო წყაროებით უზრუნველყოფის სააგენტოს საინფორმაციო კამპანიის ფარგლებში გაიმართა.

  2017-09-27

27 სექტემბერს, მესტიის მუნიციპალიტეტმა სოციალურ-საგანმანათლებლო პროექტ "ეტალონს“ უმასპინძლა. ინტელექტ-შეჯიბრი მესტიის მე-2 საჯარო სკოლაში გაიმართა და მუნიციპალიტეტის ყველა სკოლიდან 66 გამორჩეული ახალგაზრდა მონაწილეობდა. ღონისძიებას ესწრებოდნენ ადგილობრივი თვითმმართველობის წარმომადგენლები, მესტიის მუნიციპალიტეტის გამგებელი კაპიტონ ჟორჟოლიანი,საქართველოს პარლამენტის წევრი ვიქტორ ჯაფარიძე, მესტიის მუნიციპალიტეტის საკრებულოს თავმჯდომარე მაიზერ ჯაფარიძე, განათლების რესურს-ცენტრის ხელმძღვანელი დარეჯან ნიგურიანი, სკოლების დირექტორები, პედაგოგები, მოსწავლეები, მათი მშობლები და გულშემატკივრები. კონკურსის მსვლელობის დროს, მესტიის მუნიციპალიტეტის ადგილობრივი თვითმმართველობის წარმომადგენლებმა სიტყვით მიმართეს მონაწილეებს, გაამხნევეს და წარმატება უსურვეს მათ.
ინტელექტ-შეჯიბრში გამარჯვებული გახდა ჭუბერის სკოლის მე-11 კლასის მოსწავლე ბეთქილ რეზესიძე, მან "მესტიის ეტალონი მოსწავლის" ტიტული მოიპოვა. II ადგილზე გავიდა ხაიშის სკოლის მე-9 კლასის მოსწავლე ესმა ჭკადუა, ხოლო III ადგილი მოიპოვა ჭუბერის სკოლის მე-9 კლასის მოსწავლე სესილი ჩხვიმიანმა. „ეტალონი“-ს გამარჯვებულს ბატონმა ვიქტორ ჯაფარიძემ ფულადი პრიზი გადასცა.
გამარჯვებული ეროვნული ინტელექტ-ჩემპიონატის გრანდიოზულ ფინალში მიიღებს მონაწილეობას. ადგილზე ღონისძიების განხორციელებას ორგანიზება გაუწია მესტიის მუნიციპალიტეტის კულტურის, განათლების, ძეგლთა დაცვის, სპორტისა და ახალგაზრდულ საქმეთა სამსახურმა. "მესტიის ეტალონი მოსწავლის" ფინანსური მხარდამჭერია მესტიის მუნიციპალიტეტის ადგილობრივი თვითმმართველობა, პროექტი კი განათლებისა და მეცნიერების სამინისტროს მხარდაჭერით მიმდინარეობს.

  2017-09-26

26 სექტემბერს, მესტიის მუნიციპალიტეტის გამგეობის სააქტო დარბაზში „ბავშვთა და ახალგაზრდობის ეროვნული ცენტრი“–ს თანამშრომლებმა, მარიკო კობახიძემ, მერაბ დუკაშვილმა და თიკო ჭრელაშვილმა ჩაატარეს ლექცია/ტრენინგი შშმ პირთა უფლებებზე და დამსწრე საზოგადოებას გააცნეს შშმ პირთა ადვოკატირების შესაძლებლობები.

სპორტისა და ახალგაზრდობის საქმეთა სამინისტროს სსიპ „ბავშვთა და ახალგაზრდობის ეროვნული ცენტრი“ ახორციელებს პროექტს „ცვლილებები თანასწორობისთვის“, რომლის მიზანია ახალგაზრდების ცნობიერების ამაღლების ხელშეწყობა შშმ პირებთან მიმართებაში, ტოლერანტული საზოგადოების ფორმირება და მათი ინკლუზია საზოგადოებაში.

შეხვედრამ საინტერესოდ, კითხვა–პასუხის რეჟიმში ჩაიარა.

4
...